ရခိုင့်တာဝန် (၁၀)ချက်

ရခိုင့်တာဝန် နံပတ်တစ်(ဆင်းရဲတွင်းက လွတ်မြောက်အောင် ငါရို့ကြိုးစားကတ်ရပါမေ)
ရခိုင့်တာဝန် နံပတ်နှစ် (တစ်ယောက်ကောင်းစားကေ နောက်ကလူကို ဆွဲတင်ပါ။ဆွဲခေါ်ပါ)
ရခိုင့်တာဝန် နံပတ်သုးံ (ရခိုင်တစ်မျိုးသားလုးံ ညီရင်းအစ်ကို စိတ်ဓာတ်နန့် မနာလိုမှု ကင်းဝီးပါ)
ရခိုင့်တာဝန် နံပတ်လေး(ရခိုင်တစ်ယောက် တတ်ရေ ပညာ ရခိုင်အချင်းချင်း ၀ီမျှပါ)
ရခိုင့်တာဝန် နံပတ်ငါး (ရခိုင်တစ်ယောက် လမ်းမှားနိန်ကေ သိကေ သင်ပြကတ်ပါ)
ရခိုင့်တာဝန် နံပတ်ခြောက်(ရခိုင်ပြည်ကို ရခိုင်သားအုပ်ချုပ်ရဖို့ စိတ်ဓာတ် အမြဲမွီးမြူပါ)
ရခိုင့်တာဝန် နံပတ်ခုနှစ် (အာရိယံနွယ် ရက္ခိတဆိုရေအတိုင်း သီရေ အရက်
သောက်စားခြင်းမှ ရှောင်ကြဉ်ပါ)
ရခိုင့်တာဝန် နံပတ်ရှစ်(ရခိုင်လူမျိုးအချင်းချင်း လက်ဆက်ပါ။သွီးမရော၊ချွေးမရောပါစီကေ့)
ရခိုင့်တာဝန် နံပတ်ကိုး(မိမိအမျိုးဂုဏ်ကို မြင့်တင်နိုင်ဖို့ လမ်းစကိုရှာဖွီပါ။အမြဲကြံဆပါ)
ရခိုင့်တာဝန် တစ်ဆယ်(ရခိုင်ပြည်က နယ်ချဲ.တိကို တိုက်ထုတ်ပနာ
ရခိုင်နိုင်ငံတော်သစ်ကို ထူထောင်ပါ)
(မျိုချစ်ခြင်းသည် အမြင့်မြတ်ဆုးံသော စိတ်ထား အကောင်းဆုးံသော လုပ်ရပ်ဖြစ်သည်။မိမိလူမျိုးကို တန်ဖိုးမထားကေ ဇာလူမျိုးကမှ တန်ဖိုးလာထားလာလိမ့်မေ မဟုတ်။မိမိဘာသာစကားကို မိမိရို့ ချစ်ခင်ပါ။တန်ဖိုးထားပါ(ရွှီမြောက်ဦး-ခိုင်ကျော်ဆန်း)

Read More

ရခိုင်ဘာသာစကားကို အသက်ပီးကာကွယ်ဂါတ်

နားလေလာရေအချိန်ကပင် တစ်ယောက်နန့်တစ်ယောက်နန့် ဆက်သွေဖို့ ကိုယ့်လူမျိုးတိတွက် ကျရာတာဝန်ကို ထမ်းဆောင်ဖို့ပင် ဖြိုက်ဖြိုက် ကိုယ့်ဘဝရပ်တည်းရေးတွက်ပင်ဖြိုက်ဖြိုက် ယင်းလူမျိုး၏ဘာသာစကားကို သင်ယူလာရရေ။ အမိဝမ်းမှာ  ပဋိသန္ဓေတည်ရေအချိန်ကပင် ဒေနိန့်ကြီပြင်းလာရေအချိန်ထိ ရခိုင်လူမျိုးထွန်းကားလာရေပိုင် ယင်းရခိုင်လူမျိုး၏ဘာသာစကားလည်း ယင်းလူမျိုးထပ်တူး တိုးတက်လာစွာဖြိုက်ပါရေ။

ရခိုင်ဘာသာစကားဆိုစွာလည်း ရှိကရခိုင်တိ ထာဝရကျင့်သုံးလာရေ တည်ခုတည်းသော ထာဝရပိုင်ရှင်ဆိုရေ ဘာသာစကားတိကို မှီခိုအားထားပြီးကေ ယိုင်ကျေးမူကြီးတတ်ရပ် ဖြိုက်ခရေပိုင် လူမျိုးကြီးတစ်မျိုး နိူင်ငံကြီးတစ်နိူင်ငံအဖြိုက် ပေါ်ပေါက်လာခရေ။

ယင်းအတွက်နန့် ရခိုင်လူမျိုး၏ဘာသာစကားစွာ နိူက်ပေါင်းမရိစ္ဆေဒ ထောင်ပေါင်းသောင်းပေါင်းမြောက်များစွာကို ကျော်ဖြတ်ပြီးကေ ယင်းလူမျိုး၏သက်တန်းတစ်လျှောက်လုံးမှာ အကန့်သတ်အစီစီနန့် လက်ဆင့်ကမ်းစုဆောင်းလာရစွာဖြိုက်လို့ ရခိုင်ဘာသာစကားစွာလည်း ယိုင်ကျေးမူဘဏ်တိုက်လောက် အဖိုးမဖြတ်နိူင်ရေ ရတနာတစ်ခုဖြိုက်လာရေပိုင် တခြားယိုင်းကျေးမှုအားလုံးက စုဝေးပြီးဆင်းသက်လာရေ ရတနာသစ်ဖြိုက်ဆေတာင်မက ရခိုင်ဘာသာစကားစွာ ရခိုင်သားတိုင်း၏ အမိအဖဖြိုက်တေ။.

ကျန်ရှိသိရေ အထွေထွေအစိတ်စိတ်ယိ်ုင်းကျေးမှုအပိုင်အစတိက ယင်းဘာသာစကားဆိုရေ အမိအဖက မွှီးထုပ်ပီးလိုက်တေ သားသ္မီးရတနာတိရာဖြိုက်တေ။
ရခိုင်လူမျိုးတစ်ယောက်က နားလည်လာရေအချိန်ကပင် ပြောဆိုလာရေ ဘာသာစကားကို မကျင့်သုံး မလိုက်နာ မလေးစားဘဲ မပြောဆိုဘဲ သူတစ်ပါးဘာသာစကားကို အထင်ကြီးပြီးကေ ပြောဆိုရေ ရခိုင်လူမျိုးတစ်ယောက်၏ ပစက ထွက်ပေါ်လာရေစကား၏လီသံဗလံတိစွာ အသုဘဆိုင်းသံနန့်ရာ တူလိမေ။
တနည်းအားဖြင့်ပြောရဖို့ဆိုကေ ရခိုင်တမျိုးသားလုံး ယိုင်ကျေးမူ၏အမအဖဖြိုက်တေ ရခိုင်ဘာသာစကားကို ရိုးတောင်ကိုကျော်စွာနန့် လေယျံထက်ကိုတက်စွာနန့် သင်္ဘောထက်ကိုတက်စွာနန့်ပင် ရခိုင်ဘာသာစကားကို အထင်မကြီးမလေဲစားဘဲ မိန့်ပလိုက်တေ ရခိုင်မျိုးတိကအများကြီးရှိရေပိုင် ယင်းလူတိစွာလည်း တစ်သက်လုံးကျွှေးမွှီးလာရေ အမိကို ချက်ချင်းချပီးမနာ နောက်လူမျိုးကြီးပထွီးယုတ်ကို အဖခေါ်စွာနန့်အတူတူရာ။
နားလည်သိတတ်တေအချိန်ကပင် ပြောဆိုလာရေ ကိုယ့်ဘာသာစကားကို ရိုးတောင်ကိုကျော်စွာနန့် လေယျံထက်ကိုတက်စွာနန့် သင်္ဘောထက်ကိုတက်စွာနန့်ပင် ရခိုင်ဘာသာစကားကို ချာမှာတင်ပြီးပြောဆိုဖို့စွာကို စက်စုပ်ရွှံချာရေ ရခိုင်လူမျိုးတစ်ယောက်က ရခိုင်လူမျိုးကြီး သတ္တဝါအုပ်စုနန့်ကျခါမှ အကျွှန်ရခိုင်လူမျိုးဘာလို့ပြောလာရေစကားက ချိုက်ပါရေ ကြိုက်ပါရေ မရှိအောင်ကြိုက်ပါရေ ချိုက်ပါရေ အသဲကွဲအောင်ကြိုက်နိန်ဗျာလ် အဂင့်ဂင့်ကြိုက်နိန်စွာပါရာဆိုရေစကားကို မုန်းတီးလို့ လူမျိုးကြီးဝါဒကို ခိုးဝင်ပနာ ဒေါင်းယောင်ဆောင်ရေကျီးပိုင်  ရလူနန့် ဖေါက်ပြန်နိန်ရေ ယှောက်သေမချေတစ်ယောက်ပါးက အကျွှန်အပျိုစစ်စစ်ပါဆိုရေစကား၏ လီသံဗလံတိက အသုဘဆိုင်းသံတိနန့်ရာတူလိမေ။
ဇာဖြိုက်လို့လည်းဆိုကေ ရခိုင်ဆိုရေ လူမျိုးစုနွေက ပေါက်ဖွားလာရေ လောကသိ ကမ္ဘာသိယိုင်းကျေးမှုကြီးဖြိုက်တေ အမိအဖ၏ဘာသာစကားကို ရခိုင်ဘာသာစကားကို ကိုကိုယ့်တိုင်မယုံကြည်ဘဲ အကျင့်ယုတ်မှုနန့် ကိုးလလွယ်ဆယ်လမွှီးပီးလိုက်တေ ရခိုင်လူမျိုး၏မိခင်အရင်းချားချားကို လူမျိုးလက်ထဲမှာ ချပီးပနာ ပထွီးယုတ်ကိုရာ အဖခေါ်ရေလူရာဖြိုက်တေ။
အယင့်ပဝေသနီခိုက်ကပင် ရခိုင်မျိုးလို့ပေါ်ပေါက်လာပနာ ရခိုင်ပညာရှင်တိက သူရို့၏ခံစားချက် တိကို အထိရောက်ဆုံး ရခိုင်လူမျိုးအချင်းချင်းအဖြိုက်နိူင်ဆုံး နားလည်အောင်လို့ တီထွင်ခဂါတ်တေရခိုင်ဘာသာစကားရာဖြိုက်တေ။

Read More